Kanisa Katoliki Lavuna Zaidi Ya Sh 800 Milioni Dar

KANISA katoliki Jimbo kuu la Dar es Salam limekusanya Sh 806.5 milioni za mavuno ya waaumini wake.

Kanisa hilo, lilikusanya mchango huo na kuukabidha juzi kwa Askofu Mkuu wa Jimbo hilo, Mwadhama Policarp Kardinali Pengo katika misa ya mavuno iliyofanyaki juzi jijini Dar es Salaam.

Akizungumza mara baada ya kupokea mchango huo, kutoka katika Parokia 60 za jimbo hilo, alisema mafanikio yote ya jimbo hilo yametokana na ukarimu wa waumini wake.

"Nilipoteuliwa kuwa Askofu Mkuu wa jimbo hili miaka 17 iliyopita kulikuwa na Parokia 20, lakini hadi sasa Jimbo lina parokia 60 haya ni mafanikio makubwa ambayo nguvu kubwa imetoka kwenu,"alisema Pengo.

Pengo alitoa shukrani hizo kwa waumini wake wanaokadiriwa kufikia 1.6 milioni huku akitahadharisha waumini hao kutojigamba kutokana namafanikio hayo kwa kuwa majigambo yanaweza kuharibu kazi ya Mungu.

Alisema pamoja na kuwepo kwa mafanikio ya ujenzi wa parokia 60, bado mahitaji ya Parokia nyingine katika jimbo hilo ni makubwa kutokana na wingi wa waumini wa kanisa hilo.

Katika hatu nyingine Askofu Pengo alitumia muda mwingi kuwasihi mapadri wa kanisa hilo, akiwataka kufanya kazi ya kufuata maadili ya Yesu Kristu.

"Ndugu zangu mapadri wenzangu, tuwaomba waumini watuombee ili tusije tukawa kama Yuda Iskariote aliyemsaliti Yesu kwa kumuuza kwa vipande 30 vya fedha,"alisema Pengo.

Pengo aliwataka mapadre kutumia fedha zinazotolewa na waumini kwa malengo yaliyokusudiwa na kwamba matumizi mabaya ya fedha hizo, yanaweza kuwakatisha tamaa waumini hao.

Mwakyembe Akataa Kuzungumzia Hoja Za Rostam Aziz

MBUNGE wa Kyela, Dk Harrison Mwakyembe jana aliamua kutozungumzia sakata la Richmond, na hasa hoja za hivi karibuni za mbunge wa Igunga, Rostam Aziz ya kutaka uchunguzi mpya wa kashfa hiyo kwa kuwa ripoti ya kamati teule ya Bunge ni ya uongo na haikuwa na baadhi ya nyaraka muhimu.

Katika siku za karibuni, Rostam amenukuliwa akitaka uchunguzi mpya wa kashfa hiyo ufanyike, akipendekeza kazi hiyo ifanywe na jopo la majaji na kwamba endapo jopo hilo litamkuta na hatia, atakuwa tayari kujiuzulu nyadhifa zake zote, hoja ambayo imepingwa kwa maelezo kuwa maamuzi ya Bunge hayawezi kuchunguzwa upya na muhimili mwingine wa dola.

Dk Mwakyembe, mmoja wa wabunge wanaojilikana kama makamanda wa vita ya ufisadi, ndiye aliyekuwa mwenyekiti wa kamati hiyo teule ya Bunge ambayo ripoti yake ilisababisha Edward Lowassa kujiuzulu wadhifa wake wa waziri mkuu na mawaziri wengine wawili.

Lakini jana, mbunge huyo wa Kyela alikataa kata kata kuzungumzia suala hilo pamoja na hoja za Rostam.

Dk Mwakyembe aliombwa kuzungumzia suala hilo wakati wa mkutano mkuu wa kwanza wa Mfuko wa Maendeleo wa Watu wa Kyela (KDF), uliofanyika Chuo Cha Ufundi (Veta) jijini Dar es Salaam.

"Hapana siwezi kuzungumza lolote leo hapa ni masuala ya KDF tu... nisingependa kuzungumza mambo ambayo sikupanga kuyasema na wala hayahusiani na mkutano huu,"alifafanua na Dk Mwakyembe.

"Nimetoka Mbeya leo na kule kuna ugeni wa Waziri wa Miundombinu, Dk Shukuru Kawambwa, lakini watu wa Kyela wameniambia nije kwa sababu ya umuhimu wa mkutano huu. Kwa hiyo siwezi kuzungumza mada iliyo nje ya mkutano huu, samahani sana."

Mwenyekiti wa KDF, Gray Mwakalukwa alisema katika ufunguzi wa mkutano huo kuwa lengo la kuanzishwa kwa mfuko huo ni kuchangia juhudi za serikali katika maendeleo hasa katika elimu.

"Tangu kuanza kwa mfuko huu mwaka 2006 hivi sasa Kyela kuna maendeleo makubwa, hasa katika sekta ya elimu... sasa kuna shule nyingi za sekondari tofauti na kipindi cha nyuma," alisema Mwakalukwa ambaye pia ni mkurugenzi mkuu wa Shirika la Taifa la Madini (Stamico) na ambaye alikuwa kamishna wa madini.

"KDF imefanya mengi Kyela, ilinunua vitanda 60 kwa ajili wa wanafunzi wa kike wa Shule ya Sekondari Kiwira Coal Mines, lakini pamoja na hayo tumefanya mengi sana ambayo kuyesema yote inahitaji muda wa kutosha."

Miss Africa Nancy Sumary, akiwa na Luca, ambaye ni mmiliki wa jarida na mtandao wa Bongo 5.

Abby wa 'Big Brother' katika pozi la snap na Lebo wa Studio 53 ya Afrika Kusini.

Miss Tanzania Nasreen Karim

Super Model..Flavina Matata

TID akiongea na EATV 'Channel 5'

Ms. Seven

Ms. Seven (kati) akiwa na CodeRed crew

CodeRED Launch Party In Dar

MaDJ maarufu Afrika Mashariki CodeRed, walikuwa ndani ya Zanzibar Room, Hotel Kempiski wakizindua rasmi shughuli zao hapa Bongo. CodeRed, ambao wanajulikana pia kama Kenya No 1 R&B & Hip Hop Dj's, sasa wataanza kutoa burudani mara kwa mara nchini Tanzania, angalau mara moja kwa mwezi na wanatarajiwa kuleta changamoto kwa ma DJ wengine wa Bongo.

Rapa wa muziki wa Hip Hop kutoka Marekani, Busta Rhymes akiima wakati wa kufunga tamasha la fiesta 2009 jijini Dar es Salaam.

Wasanii wa bongo flava wakitumbuiza kwenye tamasha la Fiesta 2009 juzi usiku viwanja vya Posta Kijitonyama.

Enzi hizo, kikundi cha muziki wa bongofleva ambao ni moja ya waasisi wa muziki huo, HBC lililokuwa likiundwa na Prof Jay, Fanani na Big Willy kama uwanaovyo pichani wakikamua katika tamasha la fiesta one love 2009.

Shabiki aliyeonekana kupawa vilivyo na tamasha la Fiesta juzi usiku,hakufahamika kama alikuwa amelewa ama jinsia zake zinamushkeri ama vipi,watu walionekana kumshangaa sana.

Umati wa watu ukilifuatilia kwa makini makamuzi ya wasanii mbalimbali waliokuwa wakipanda stejini kuburudisha.

Kamuzi La Busta Rhymes Katika Picha Ndani Ya Fiesta One Love 2009

Rais Jakaya Kikwete akiwa ameshikilia Kombe la Dunia la Mpira wa miguu baada ya kuwasili jana katika uwanja wa taifa Dar es Salaam

HOTUBA YA RAIS WA JAMHURI YA MUUNGANO WA TANZANIA, MHESHIMIWA JAKAYA MRISHO KIKWETE KWENYE UZINDUZI WA ZIARA YA KOMBE LA FIFA LA DUNIA UWANJA WA TAIFA DAR ES SALAAM 19 NOVEMBA, 2009

Naibu Waziri wa Habari,Utamaduni na Michezo,Mheshimiwa Joel Bendera (Mb;)
Mkuu wa Wilaya ya Temeke, Mhe.Chiku Garawa;
Waheshimiwa Wabunge;
Wawakilishi wa Shirikisho la Soka Duniani, FIFA;
Viongozi wa Kampuni ya Coca-Cola;
Viongozi wa Shirikisho la Soka Tanzania, TFF;
Wageni Waalikwa;Mabibi na Mabwana

Najisikia mwenye furaha kubwa kupata fursa hii ya kujumuika nanyi katika tukio hili la kihistoria kuhusu ziara ya Kombe la FIFA la Dunia hapa Tanzania.Nchi yetu imebahatika, kwa mara nyingine tena, kupata ugeni huu mkubwa wa Kombe la FIFA la Dunia ambayo ndiyo tuzo ya juu inayotolewa kwa nchi bora kuliko zote katika soka duniani.

Hii ni mara ya pili sasa kwa FIFA kutupa heshima hii. Mara ya kwanza ilikuwa mwaka 2006.Napenda kuwashukuru FIFA na Coca- Cola kwa upendeleo huo kwa nchi yetu.Kabla ya FIFA na Coca-Cola kuanzisha ziara ya Kombe la FIFA la Dunia, wapenda soka wengi duniani walikuwa wanaliona kombe hili kupitia kwenye picha za magazeti na luninga.

Leo hii kupata bahati ya kuliona kombe lenyewe “live” ni jambo la kihistoria litakalodumu katika kumbukumbu yetu kwa miaka mingi. Naipongeza FIFA kwa kuanzisha utaratibu huu wa kuwezesha maelfu ya wapenda soka duniani kuliona kombe hilo kwa karibu na wengine hata kupata nafasi ya kulishika na kupiga nalo picha.

Hii ni fursa ya pekee na ya kujivunia. Kwa Watanzania wenzangu tuichukulie ziara ya Kombe la Dunia nchini mwetu kama ni changamoto kubwa kwetu inayotutaka tufanye vizuri zaidi katika soka ili tulingane nayo heshima hii tuliyopewa.

Hasa ni changamoto kwa viongozi wa soka wa ngazi zote pamoja na wachezaji na wapenzi wa mpira wa miguu nchini. Kuja kwa kombe hili ni deni kwetu na kulilipa kwetu sisi ni kuzinduka, tuendeleze kiwango chetu cha soka nchini ili na sie siku moja tushiriki fainali za kombe hili.

Hili ni jambo linalowezekana. Wapo wenzetu Afrika wameweza, kwa nini sisi tusiweze. Wao ni watu kama sisi, maadamu wameweza na sisi tutaweza. Lakini, ili tuweze hatuna budi kuiga mfano wao hususan waliyofanya na wanayoendelea kufanya kuendeleza mpira wa miguu. Twende tukajifunze kutoka kwao.
Lakini hata kabla ya kwenda huko, yapo mambo ambayo hatuna budi kuyafanya. Naomba nitaje baadhi yake:-

1. Tuimarishe uongozi, utendaji na uendeshaji wa vilabu vya mpira. Mchezaji hufundishwa kucheza mpira katika klabu yake. Hapo ndipo hufundishwa maarifa ya kucheza mpira na vipaji kuendelezwa. Hebu tujiulize hali ya vilabu vyetu vya soka nchini ikoje.
Je vinaongozwa vizuri? Vinaendeshwa vizuri? Jibu tunalijua sote kwamba ni hapana. Lazima suala hili tulitafakari kwa yakini na kulipatia jawabu. Tukishindwa kupata jawabu muafaka na mambo yakaachwa kuendelea yalivyo, mpaka mwisho wa dunia hatutakuwa tumesogea popote.
2. Tupate walimu wenye ujuzi na uzoefu kufundisha timu zetu. Hii ndiyo njia ya uhakika ya kukuza na kuendeleza vipaji na hivyo kupata wachezaji walio bora.
3. Tuwekeze katika kuibua na kuendeleza vipaji vya wachezaji toka umri mdogo. Vilabu viwe na timu za watoto na vijana. TFF isaidie kuanzishwa kwa shule za mchezo wa mpira wa miguu kwa watoto na vijana. Mashuleni wapatikane walimu wa michezo walio wazuri kufundisha.
4. TFF ionekane zaidi ya ilivyo sasa katika mipango ya kuendeleza soka mashuleni, vijijini, mitaani na hata vilabuni. TFF ikiwa na mipango na ikasimamia na kuwabana wadau kuitekeleza itasaidia. Vinginevyo TFF itabakia kusimama ligi kuu, kutoa adhabu kwa wachezaji, na timu ya taifa.

Hiyo haitoshi.Napenda kutumia nafasi hii kutoa pongezi kwa kampuni ya Coca-Cola kwa mchango wake muhimu inaotoa kuendelea mchezo wa soka nchini na hasa soka la vijana. Mashindano ya Kombe la Copa Coca-Cola kwa vijana wa chini ya miaka 17 ni ushahidi tosha wa mchango huo adhimu.

Mashindano hayo yamegusa vijana wengi kote nchini.Naambiwa zaidi ya timu 1500 zilijitokeza kwa mwaka huu na maelfu ya vijana walijitokeza kuonyesha vipaji vyao. Naomba utaratibu huu uendelee kwani utakuwa na manufaa makubwa siku za usoni.
Maombi yangu kwa TFF ni kujipanga vizuri kutambua vijana wenye vipaji vizuri na kupanga mipango ya kuiendeleza.Ujio kwa Kombe la FIFA la Dunia hapa nchini mbali na kuhamasisha vijana wetu pia ni fursa nzuri ya kutangaza nchi yetu pamoja na fursa zake za utalii na uwekezaji.

Watu wengi zaidi wataifahamu nchi yetu vizuri zaidi kupitia ziara hii ya Kombe la Dunia. Hivi sasa tuna uwanja mpya wa kisasa ambao utaonekena vizuri wakati wa ziara hii na pengine kuvutia timu kubwa duniani kuja kufanya mazoezi hapa wakati wa fainali za Kombe la Dunia zitakazofanyika Afrika Kusini 2010.

Changamkieni fursa hii kwa maslahi ya taifa letu ili tunufaike na sisi. Baada ya kusema maneno haya machache, sasa niko tayari kufanya kazi iliyotuleta hapa sote. Nawashukuruni kwa kunisikiliza.

Seif Amsindikiza Rais Karume Kutunukiwa Shahada

UHUSIANO kati ya Rais wa Serikali ya Mapinduzi ya Zanzibar (SMZ) Dk Amani Karume na Chama cha Wananchi (CUF), unaonekana kuendelea kuimarika baada ya viongozi wa chama hicho jana kumsindikiza rais huyo katika hafla ya kutunukiwa Shahada ya Heshima ya Uzamivu.

Mwenyekiti wa CUF, Profesa Ibrahim Lipumba na Katibu Mkuu Maalim Seif jana walimsindikiza Karume katika kutunukiwa shahada hiyo iliyotolewa na Chuo Kikuu cha Kumbukumbu ya Hubert Kairuki.

Baada ya rais huyo wa Zanzibar kutunukiwa shahada hiyo, mshereheshaji alitangaza makundi ya picha za pamoja ambapo kundi la kwanza lilikuwa la Karume na viongozi wa siasa; Kundi hilo ndilo lililowashirikisha pia viongozi wa CUF.

Kabla ya kupiga picha Maalim Seif alikwenda kumpa mkono wa kumpongeza Karume akafuatia Mwenyekiti wa CUF, Profesa Ibrahim Lipumba na wakafuatia wengine.

Hata hivyo, viongozi hao wote jana hawakuwa tayari kuzungumzia kwa undani walichozungumza wakati walipokutana.

Rais Karume alisema tofauti kubwa iliyokuwepo visiwani humo ni ya kiitikadi za kisiasa hali ambayo alibainisha kuwa sasa imekuwa historia kutokana na CUF, kutangaza kumtambua rais huyo.

Novemba saba mwaka huu, Katibu Mkuu wa CUF Maalim Seif aliwatangazia mamia ya wafuasi wa chama hicho kisiwani Pemba kwamba chama hicho kimeamua kumtambua rasmi Rais Karume.

Pamoja na hatua hiyo ya CUF, kupongezwa na watu mbalimbali zikiwamo taasisi za kimataifa na mabalozi, ilikuwa mwiba kwa wanachama wa CUF, ambao wengi wao waliangua vilio baada ya kusikia kauli ya Seif.

Kauli hiyo mpaka sasa imeibua makundi miongoni mwa wanachama wa CUF, huku baadhi ya wanachama hao wakimuunga mkono Seif na wengine kumpinga.

Akizungumzia hali hiyo jana, Seif alisema kulikuwa na chuki ya dhahiri miongoni mwa Wazanzibari kwa misingi ya kisiasa na kuwa hali hiyo ndiyo iliyofanya watu wakalia kama watoto wadogo, baada ya kusikia kiongozi wao huyo kutangaza kumtambua Rais Karume.

Kwa hatua tuliyofikia tutaiepusha nchi yetu na mambo mengi mabaya, hatua hii imefikiwa kwa maslai ya Zanzibar, tumechoswa na migogoro Zanzibar, nyiye waandhisi simnajua kuwa sisi wazanzibar tuna matatizo yetu wenyewe, basi hayo ndo tunataka tuyamalize, alisema Karume.

Alisema anaamini kuwa yeye na Seif ndio viongozi wakubwa Zanzibar hivyo hatua yao ya kuamua kumaliza tofauti zao za kisiasa itasaidia kuchochea maendeleo ya visiwa hivyo.

Katika hali ambayo haikuzoeleka hapo awali kwa viongozi hao wa CUF wote kwa pamoja walimpongeza Rais Karume kwa kutunukiwa shahada hiyo ya heshima na kusema kuwa alistahili kutokana na juhudi zake za kuvipatia visiwa hivyo amani na maendeleo.

Katika siku za nyuma viongozi hao wa CUF, walionekana kupinga na kukejeli kila kitu kilichokuwa kikifanywa na Serikali ya Mapinduzi na wakati mwingine hata vilivyokuwa vikifanywa na Serikali ya Muungano.

Kwa upande wake Karume alisema kwa sasa wameamua kuachana na siasa ya zamani na kuwa lengo lao ni moja tu la kuipigania Zanzibar na wananchi wake.

Alisema wameamua kushirikiana ili kuhakikisha kuwa chaguzi mbalimbali zinazo fanyika visiwani humo, haziwi chanzo cha mitafaruku bali kuwaunganisha wazanzibari.

Chama cha Wananchi CUF kila wakati kimekuwa kikipinga matokeo yatokanayo na chaguzi mbalimbali hali ambayo wakati mwingine ilisababisha umwagikaji wa damu visiwani humo.

Katika siku za hivi karibuni kulikuwa kunamsuguano mkubwa uliohusu uandikishwa katika daftari la kudumu la wapiga kura, hali iliyofanya CFU kutisha umwagikaji mwingine wa damu endapo matakwa yake yasingetekelezwa.

Kutoka Dodoma, Umoja wa wanafunzi wa vyuo vikuu Mkoani Dodoma jana walifanya maandamano ya kukipongeza Chama Cha Wananachi (CUF) kwa uamuzi wa kumtambua rais wa Zanzibar huku kukiwa na ulinzi mkali wa Polisi.

Maandamano hayo yalianzia katika viwanja vya bunge mjini Dodoma

yalipokelewa na kiongozi wa kambi ya upinzani bungeni Hamad Rashid Mohamed katika viwanja wa Mwalimu Nyerere maarufu kama Nyerere Square.

Hata hivyo tofauti na ilivyotarajiwa wakati maanadamano hayo yalipotangazwa na vyombo vya habari, jana wanafunzi waliojitokeza katika maanadamano hayo walikuwa ni wachache sana idadi ambayo haikuzidi wanafunzi 50.

Katika maanadamano hayo wabunge wanne chama cha CUF walifika kwa ajili ya kuwaunga mkono wanafuzni hao ambao walikuwa pamoja na wananchi wachache waliojitokeza.

Wabunge waliokuja mjini hapa jana ni pamoja na Dk Ali Taarabu Ali (Konde),Habibu Juma Mnyaa (Mkanyageni) Salimu Hemedi (Chambani) pamoja na kiongozi wa kambi ya upinzani bungeni ambae alikuwa mgeni rasmi.

Wabunge hao licha ya kuzungumzia mustakabali mzima wa mazungumzo ya Karume na Seif Shalifu Hamadi, walitumia muda mwingi katika kusifia chama  kwa madai kuwa ndicho chama pekee cha upinzani Tanzania.

Tangu kuingia kwa mfumo wa siasa za vyama vingi CUF tumekuwa tukiongeza idadi ya wakilishi pamoja na kuibuka na ushindi mkubwa katika uchaguziwa serikali za Mitaa katika ameneo mbalimbali nchini hiyo ni dalili kuwa sisi ndio wapinzani pekee hapa Tanzania,alisema Dk Taarabu.

Kwa upande wake Mnyaa alisema kuwa chama hicho kinachohitaji siasa safi na sio siasa za kuibiana kura kila unapofika uchaguzi.

Mnyaa pia alikosoa mapungufu ya vyama vyote ikiwemo CCM na Cuf kwa kusema kuwa hayana tija kwa wananchi wan chi masikini kama Tanzania.

Kwa ccm alisema kosa lao kubwa ni kitendo cha chama hicho kuamini kuwa kinaweza kila kitu na kwamba hakuna chama kingine kinachoweza kufanya jambo lolote isipokuwa wao hali ambayo alisema inatokana na mawazo finyu.

Aliyataja mapungufu ya cuf kuwa ni pamoja na imani kuwa hakuna kilichofanyika ndani ya ccm wakati yapo mambo mazuri ambayo chama hicho tawala kilishayafanya na hivyo akaomba hayo yaliyofanywa mazuri ni budi yaheshimiwe na kuenziwa.

Akizungumza katika mkutano huo kioongozi wa kabi ya upinzani bungeni aliwataka wanafunzi kutumia elimu yao na maarifa kwa ajili ya kudai mabadiliko ya katiba.

Tanzania tunahitaji mabadiliko makubwa sana na kusema kweli ninyi wasomi ndio mtakaoleta mabadiliko hayo hivi inawaingia akilini kweli uchaguzi kama huu uliofanyika hivi karibuni kusimamiwa na ofisi ya Waziri Mkuu katiba hii inamapungufu makubwa sana,alisema Mohamed.

Alitumia muda huo pia kuwataka wanafunzi pamoja na Watanzania kuendelea kumpigia debe mwenyekiti wa chama hicho Prof Ibrahim Lipumba kuwa bado anazo sifa za kugombea urais wa nchi.

Kiongozi huyo alisema kuwa Lipumba ameshaanza kufahamika na wananchi hivi sasa na hivyo wawapuuze wale wanaosema kuwa asigombee urais kwa kisingizio cha kuwa ameishiwa sera jambo alilosema kuwa hata Viongozi wengi barani Afrika huingia kwa kutambulika kwanza.

Imeaandikwa na Fredy Azzah, Habel Chidawali na Neema Mathias

VUGUVUGU la kupata mgombea wa urais mwakani ndani ya Chedema linadaiwa kuanza huku Katibu Mkuu, Dk Willibrod Slaa akipendekezwa kuchukua nafasi hiyo.

Habari zilizolifikia Mwananchi Jumapili zimeeleza kuwa Dk Slaa ametajwa kuwania nafasi hiyo akipambana na kiongozi mmoja wa juu serikalini ambaye ni mwanachama wa Chadema.

Mchakato wa kutafuta mgombea huyo, umeanza kutokana na uamuzi wa Mwenyekiti wa Chadema, Freeman Mbowe kuamua kugombea ubunge katika Jimbo la Hai, mkoani Kilimanjaro hivyo kukosa sifa kikatiba kugombea urais.

Habari zilizothibitishwa na mmoja wa viongozi wa Chadema ambaye hakutaka kutajwa gazetini, zinaeleza kuwa suala hilo limekuwa likijadiliwa katika vikao vya juu vya chama bila mwafaka.

Ni kweli kuna viongozi wanamtaka Dk Slaa agombee pia kuna kigogo mmoja ameonyesha nia ya kuja Chadema na kugombea na kuna wanasiasa wengine maarufu hawajatoa uamuzi, lakini mapema mwakani nadhani tutakuwa katika hali nzuri ya kujua nani atagombea,alisema kiongozi huyo.

Uchunguzi wa Mwananchi Jumapili umebaini kuwa, Chadema imekuwa na wakati mgumu kumtangaza Dk Slaa kuwa atagombea urais mwakani hasa kutokana na hofu ya kupoteza Jimbo la Karatu.

Pia hofu nyingine inatokana na baadhi ya wana CCM kuanza kuonyesha nia ya kuondoka katika chama hicho kujiunga na Chadema, kutokana na mgogoro unaoendelea kukitafuna chama chao.

Inaelezwa kuwa kutokana na mgawanyiko mkubwa uliopo ndani ya chama hicho, huenda makada maarufu wakaamua kujitoa na kujiunga na upinzani, hali ambayo inaweza kuwafanya wakapata mgombea urais.

Akihutubia wananchi wa Karatu wakati wa kufunga kampeni za serikali za mitaa, Mwenyekiti wa Chadema Mkoa wa Kilimanjaro, Phillemone Ndesamburo aliwataka wananchi wa jimbo hilo kumchagua mtu ambaye ataletwa badala ya Dk Slaa kwa sababu chama kimeamua kumpa majukumu mengine.

Hata hivyo, kauli hiyo ilipingwa na umati wa watu waliohudhuria mkutano huo, akiwemo Mwenyekiti wa Halmashauri ya Karatu, Titus Lazaro ambaye amekuwa akitajwa

kutaka kumrithi Dk Slaa.

Alisema hadi sasa anaamini hakuna mtu wa kumrithi Dk Slaa Karatu hivyo ni

bora akaachwa aendelee kuwa mbunge wa jimbo hilo.

Lazaro ambaye pia ni Mjumbe wa Kamati Kuu ya Chadema, alisema kuanza kutafuta mrithi wa Dk Slaa sasa kunaweza kulipoteza jimbo hilo ambalo limekuwa likinyemelewa na CCM.

Mimi sijafikiria kugombea ubunge kama Dk Slaa akigombea urais kwani najua ugumu wa jimbo hili na mikakati mingi ya CCM kulitaka jimbo la Karatu alisema Lazaro.

Hata hivyo,kwa upande wake Dk Slaa aliliambia gazeti hili kuwa bado hajaamua kugombea urais mwakani.

Mimi huwa sipendi kuzungumza bila ya kufanya utafiti..ni kweli watu wanasema nigombee ila bado sijaamua na jambo hili linahitaji utafiti kwanza,alisema Dk Slaa.

Dk Slaa ambaye katika siku za hivi karibuni, amekuwa mmoja wa viongozi wanaoheshimika na wenye msimamo mkali ndani ya chama hicho na bungeni, alisema muda wa kutangaza kugombea urais haujafika na suala la urais ni zito sio la kusema bila kuwa na mikakati.

Umaarufu wa Chadema katika miaka ya hivi karibuni, umekuwa ukiongezeka hasa kutokana na kuanzisha Operesheni Sangara nchi nzima ambayo imekifanya chama hicho kupata wafuasi wengi.

Chadema ilianza kuweka mgombea urais katika uchaguzi mkuu wa mwaka 2000 ikimsimamisha kuwania kiti hicho, Freeman Mbowe ambaye pia alisimama mwaka 2005, huku ikiweka rekodi ya chama cha upinzani kutumia helikopta katika mikutano yake ya kampeni.

Mkakati wa kumsimamisha Dk Slaa ni kutaka kuongeza idadi ya wabunge baada ya kumtumia Mbowe mara mbili.

Natumai Hii Shule Itakuwa Inaitwa "Mbuyuni Primary School"

Mwalimu , Albert Juakali wa shule ya msingi Iboma iliyopo kijiji cha Udinde Wilaya ya Chunya Mkoani Mbeya akifundisha wanafunzi wa darasa la kwanza chini ya Mti wa Mbuyu kama alivyokutwa na Mpigapicha wetu. Picha na Brandy Nelson